CARITA MATURAN KI MADSA KA GUNUNGCURI

Dina hiji poe waktu sim kuring leutik keneh sore-sore jam setengah genepan panggih jeung ki Madsa. Ki madsa ngajak kuring hayang dibaturan ka Gunung Curi ja aya anu hayang di kuncenan di ditu. ngajakan kuringna mah ku sabab kabeneran poe haritamah anu biasana ngabaturan keur teu bisa sabab aya perlu sejen. bral bae miang ka Gunung curi mapay leuweung. horengan kuring teh di bawa ka karang gantung di gunung curina. nyampe di karang gantung aya jalema duaan. nu hiji mah ngampar sajadah, keur nasbeh make kopeah make sarung. nu hiji deuimah keur kekedengan bari nyeungeut obat anti nyamuk. nyampe ka tempat eta jalema dua peledug bae ki madsa nyeungeut menyan, haseup ngebul dina sabut kalapa. terus ki madsa ngangkat leungeun ngadoa bari kunyam kunyem teu kaharti. sanggeus kira-kira lima menit. ngadoana beres, tuluy bae ki madsa ngajak balik ka kuring bari teu nanya-nanya acan ka nu duaan mah. di jalan balik, kuring nanya ka si aki. "Oyot ari anu duaan tadi rek naon peuting-peuting di karang gantung?" " atuh biasa hayang beunghar" jawab si aki. "Oh kitu...?" tapi kuring teu loba tatanya ja pikiran teh hayang geura datang ka imah bisa wanci magribna kaliwatan. maklum haritamah can aya listrik-listrik acan bari jeung teu bawa senter deui. Dua poe ti harita panggih deui jeung si aki. panasaran, kuring nanya ka si aki "kumaha Oyot anu di karang gantung tea, jadi beunghar?" . si aki ngajwab, "teu, teu kataekan, kotor awakna" cenah..." emang kotor kunaon ki?" "loba dosana jalemana". "Oh....." tos bae tutup cerita da tidinya mah teu pernah diajak deui jeung memang can pernah deui ka karang gantung. komo geus meunang kanyaho yen polah kitu teh pagawean musyrik anu moal dihampura ku Allah, beuki bae teu hayang untar anteur nu karitu. Kabadieu kabadieu beuki kaharti. kunaon sababna teu kataekan. atuh meureun iblis setan oge teu perlueun ku jalema tukang nyieun dosa mah ja  pasti jadi baturna di naraka. horeng iblis jeung setan oge neangana jalema anu teu loba teuing dosa si ngacebur kana naraka ngabaturan maranehana. hehehehe.......